Советот на Општина Гостивар едногласно го усвои Вториот ребаланс на Буџетот за 2026 година

На денешната седница на Советот на Општина Гостивар, со гласовите на сите присутни советници, беше усвоен Вториот ребаланс на Буџетот на Општина Гостивар за 2026 година.

Со оваа буџетска ревизија, општиот буџет на Општина Гостивар се намалува од 1.985.606.301 денар на 1.818.411.883 денари, односно за 167.194.418 денари.

Наглаssуваме дека ова намалување не е резултат на откажување од општинските проекти, туку доаѓа главно како последица на сè уште нереализираните финансиски средства од централната власт за владините проекти предвидени за Општина Гостивар. За овие проекти, планираните финансиски средства сè уште не се префрлени, што директно влијаеше врз ревизијата на буџетскиот план.

Ребалансот го предвидува ревидирањето на планот за приходи и расходи, вклучувајќи ги капиталните трансфери, субвенциите и инфраструктурните проекти. Промените се направени врз основа на досегашното буџетско реализирање и потребата за усогласување на финансиите со приоритетите и актуелните можности на Општината.

Во рамките на прераспределбата на средствата во основниот буџет, направени се промени во неколку општински програми, меѓу кои општинската администрација, одржувањето на водните текови, културните манифестации, заштитата на животната средина и други области.

Важен дел од ребалансот му е посветен и на прегледот на капиталните проекти. Во оваа насока, ревидирани се средствата предвидени за неколку проекти за патна инфраструктура, канализација и уредување на јавните простори, согласно статусот на договорите и соодветната документација.

Исто така, со Вториот ребаланс е извршено усогласување на средствата за институциите и програмите што се финансираат од дотации, вклучително и основното образование, средното образование и детските градинки.

Едногласното усвојување на овој документ од страна на Советот на општината ја заокружува постапката за ревизија на буџетот за 2026 година и овозможува продолжување на реализацијата на општинските активности и проекти во согласност со ревидираното финансиско планирање.

Прелистајте ги најновите вести и останете информирани за настаните, соопштенијата и важните информации.