20/11/2026
Општина Гостивар организираше едукативна активност во чест на Празникот на албанската азбука

Во рамките на активностите за одбележување на Празникот на албанската азбука, Општина Гостивар, во соработка со Центарот за култура – Гостивар, организираше прикажување на едукативниот документарен филм „Буквите на независноста“, наменет за учениците од основните училишта.
Целта на активноста беше новите генерации да се запознаат со историјата на албанската азбука и со нејзиното значење за зачувувањето на националниот идентитет, како и да се негуваат љубовта и почитта кон јазикот и нашето културно наследство.
Активноста ја следеше раководителката на Секторот за образование при Општина Гостивар, Блерина Селмани, придружувана од директорот на Центарот за култура – Гостивар, Исмет Исмали.
Селмани ја истакна важноста на едукативните и културните активности што придонесуваат националните вредности да се пренесат на младите генерации.
Селмани ги покани сите граѓани да бидат дел од големата манифестација по повод 28 Ноември – Денот на знамето, која ќе се одржи на 26 ноември 2026 година на плоштадот во Гостивар, со почеток во 13:00 часот.
Манифестацијата има за цел да ги обедини граѓаните во празнична атмосфера, за заедно да одбележат еден од најважните датуми во албанската национална историја, со гордост, достоинство и почит кон знамето и нашите национални вредности.
Општина Гостивар упатува повик до сите семејства, младите и граѓаните, без разлика, да учествуваат на овој заеднички празник и да придонесат за создавање величенствена празнична атмосфера.
Ве очекуваме на 26 ноември на плоштадот во Гостивар, за заедно да го прославиме 28 Ноември – Денот на знамето!
Среќен Празник на албанската азбука!





Сподели ја веста:
ВЕСТИ
Најнови вести
Прелистајте ги најновите вести и останете информирани за настаните, соопштенијата и важните информации.

20/11/2026
Одобрување на УП со парцелација во Блок 8 за ГП 8.186

20/11/2026
Градоначалникот Валбон Лимани присуствуваше на одбележувањето на Меѓународниот ден на науката во ОСМУ во Гостивар
