Општина Гостивар ќе подели 100 ваучери за бесплатна мамографија за жени и девојчиња, како дел од активностите за одбележување на месецот за борба против ракот на дојката, познат како „Розов октомври“.

Ова го соопшти градоначалникот на општина Гостивар, Валбон Лимани, нагласувајќи ја важноста од редовни контроли и рано откривање во борбата против оваа болест.

„Раното информирање и откривање се од суштинско значење за заштита на здравјето на жените. И оваа година општина Гостивар ќе подели 100 ваучери за бесплатна мамографија, со цел да им понуди поддршка на жените и девојките и да ги поттикне да вршат редовни превентивни контроли“, нагласи Лимани.

Во рамките на „Розов Октомври“, Општина Гостивар во соработка со Здружението „Езра“ организираше информативна работилница со истиот наслов, на која присутните жени и девојки имаа можност да се информираат и разговараат со здравствените работници за ракот на дојка, важноста од редовните контроли и можностите за рано откривање на болеста.

На работилницата учествуваа д-р. Миранда Изири, специјалист по радиологија и др. Илир Исмаили, онколог, кој сподели информации и совети за важноста од континуирана здравствена заштита.

Преку овие активности, општина Гостивар има за цел да ја подигне свеста за ракот на дојка и да ги поттикне жените да посветат поголемо внимание на превентивните контроли.

Прелистајте ги најновите вести и останете информирани за настаните, соопштенијата и важните информации.