Советот на Општина Гостивар денеска, со единогласни гласови, ја усвои Развојната програма за 2027 година, каде што еден од главните приоритети е подобрувањето на снабдувањето со питејќи вода и развојот на водоводната инфраструктура, како во градот, така и во руралните населени места.

Програмата предвидува реализација на вкупно 57 инфраструктурни проекти и инвестиции во различни области, со вкупна вредност од 1.034.099.240 денари.

Во рамките на инвестициите во водоснабдувањето, програмата го опфаќа продолжувањето на проектот «Вода за Гостивар», односно неговата втора фаза, со 60 милиони денари, изградбата на резервоарот и водоводот во Чегране, со 40 милиони денари, како и реализацијата на водоводот Форино-Чегране.

Покрај ова, инвестиции во канализационата мрежа се планирани и во Питарница, Грудајца, Фазанерија, Тулана, Чегране и во урбаниот блок 23.

Во областа на патната инфраструктура, меѓу најважните проекти се изградбата на подземниот паркинг во близина на зградата на Општината, со инвестиција од 120 милиони денари, како и изградбата на новиот мост на реката Вардар, со околу 99 милиони денари.

Програмата исто така предвидува асфалтирање и реконструкција на улиците, отворање на улици во урбаните блокови 22, 23 и 24, уредување на тротоарите и подобрување на сообраќајната безбедност. За асфалтирање и поплочување со бекатон плочки, според барањата на граѓаните, се предвидени 95 милиони денари.

Во областа на образованието, грижата за децата и спортот, се предвидува реконструкција на детските градинки во Бањица и «Луле», рехабилитација на училиштата «Исмаил Ќемали», «Фаик Коница» и Општинското средно училиште «Гостивар», како и реконструкција на спортската сала на ОСУ «Гостивар».

Исто така, се планира изградба на нов базен во близина на ООУ «Гоце Делчев», за кој се предвидени 75 милиони денари.

Програмата опфаќа и низа инвестиции во јавните услуги и заедничките простори, како уредување на градскиот парк, поставување јавни тоалети, инсталирање на 50 надземни хидранти, како и набавка на возила за собирање отпад, чистење на улици, противпожарна служба и служба за отстранување на непрописно паркирани возила.

За реконструкција и унапредување на општинскиот објект се предвидени 100 милиони денари, кои ќе се искористат за надградба, фасада, прозорци и систем за греење.

Вкупната вредност на програмата ќе се обезбеди преку неколку извори на финансирање. Општина Гостивар 1ќе учествува со 804.232.240 денари, Министерството за транспорт со 159.182.000 денари, Министерството за животна средина и просторно планирање со 60.685.000 денари, додека Европската инвестициона банка со 10.000.000 денари.

Предвидениот рок за реализација на проектите опфатени со Развојната програма е 2027 година.

Со едногласното усвојување на оваа програма, Општина Гостивар ги утврдува инвестициските приоритети за следната година, со посебен фокус на подобрувањето на снабдувањето со питејќи вода, развојот на инфраструктурата и унапредувањето на јавните услуги, со цел создавање подобри услови за живот за сите граѓани.

Прелистајте ги најновите вести и останете информирани за настаните, соопштенијата и важните информации.