18/11/2026
Завршена реконструкцијата на улицата „Илија Антески Смок“, продолжуваат работите на булеварот „Браќа Гиновски“

Заврши реконструкцијата на улицата „Илија Антески Смок“ во Гостивар, во должина од над 200 метри, на делницата од мостот на улицата „Беличица“ до железничкиот мост. Веста ја соопшти градоначалникот на Општина Гостивар, Валбон Лимани, преку објава на социјалните мрежи, придружена со видео од завршувањето на работите.
Оваа делница, на која се наоѓаат и неколку колективни станбени згради, е од значење за голем број жители, кои отсега ќе имаат подобра инфраструктура и полесни услови за сообраќај.
Во меѓувреме, инфраструктурните работи продолжуваат и на булеварот „Браќа Гиновски“, на потегот од кружниот тек кај Центарот за култура до раскрсницата со патот за Дебар. Во овој дел од градот, покрај инфраструктурните интервенции, се гради и нов кружен тек, со цел подобрување на сообраќајот и зголемување на безбедноста во сообраќајот.
Работите на овој булевар започнаа минатата година и се реализираат во неколку фази, почнувајќи од населбата Малеарди. Завршната фаза од проектот предвидува изградба на нов мост, како и проширување на булеварот до зградата на Судот.
Поради работите на терен, на делницата каде што моментално се изведуваат интервенциите ќе има ограничувања во движењето на возилата. Општина Гостивар апелира до учесниците во сообраќајот да покажат зголемено внимание, да ја почитуваат сигнализацијата и упатствата поставени на терен, како и да користат алтернативни патишта каде што е можно.
Од Општината бараат разбирање и соработка од граѓаните до завршувањето на работите.



Сподели ја веста:
ВЕСТИ
Најнови вести
Прелистајте ги најновите вести и останете информирани за настаните, соопштенијата и важните информации.

18/11/2026
Неделен извештај од лабораторискиот тест на водата

13/11/2026
Советот на Општина Гостивар едногласно го усвои Вториот ребаланс на Буџетот за 2026 година
