Ndërmarrja Publike “Komunalec” – Gostivar njofton qytetarët se rezultatet e analizave laboratorike të pranuara më datë 09.11.2026 dëshmojnë sigurinë e plotë të ujit për pije nga rrjeti i ujësjellësit publik.

Në bazë të raporteve zyrtare të pranuara nga Qendra për Shëndet Publik Tetovë – Njësia Rajonale Gostivar, mostrat e analizuara dëshmojnë në mënyrë të përsëritur se uji vazhdon të plotësojë të gjitha standardet fiziko-kimike dhe mikrobiologjike, duke mbetur në përputhje të plotë me normat ligjore për cilësinë dhe sigurinë e ujit të pijshëm.

Procesi i marrjes së mostrave është kryer në pikat e mëposhtme të rrjetit shpërndarës:

• Kaptazhi Burim
• Kisha Qendër
• Lagjja Mllaki – Shitorja Vito
• Lagjja Pitarnicë – Ultra Market

Për të gjitha mostrat e sipërpërmendura, referuar parametrave të karakteristikave higjieno-teknike, konstatohet përputhshmëri absolute me kriteret e përcaktuara për konsum të sigurt.

NP “Komunalec” – Gostivar ju siguron se monitorimi dhe kontrolli i cilësisë së ujit do të vazhdojë rregullisht, përmes marrjes së mostrave ditore dhe analizave rigoroze, për të garantuar një furnizim të sigurt për të gjithë qytetarët.

Në interes të transparencës institucionale dhe informimit të drejtë të publikut, bashkëngjitur këtij njoftimi zyrtar gjenden edhe rezultatet e analizave laboratorike.

Ju mund t’i shqyrtoni ato përmes vegëzës së mëposhtme: https://komunalecgostivar.gov.mk/sq/news/252

Shfletoni lajmet më të fundit dhe qëndroni të informuar me ngjarjet, njoftimet dhe informacionet e rëndësishme.