Денес, Амбасадорот на Република Италија во Северна Македонија, г. Паоло Палмитери, оствари воведна посета на Општина Гостивар, каде што беше пречекан од градоначалникот на општината, г. Валбон Лимани.

За време на средбата, амбасадорот Палмињери ја потврди постојаната поддршка на Италија за Северна Македонија, нагласувајќи ја важноста од зајакнување на соработката со Општината Гостивар. Тој изрази интерес за поттикнување на учењето и вклучувањето на италијанскиот јазик во локалните училишта, како мост што ги поврзува двете земји.

Амбасадорот го ценеше и придонесот на граѓаните на општината кои живеат во Италија, истакнувајќи ја нивната улога во развојот на италијанското општество во областа на економијата, спортот и културата.

Градоначалникот Лимани изрази благодарност за посетата и постојаната поддршка од италијанската држава, информирајќи го амбасадорот за последните случувања во општината, функционирањето на администрацијата по локалните избори и актуелните предизвици со кои се соочува локалната власт.

Средбата беше оценета како важен чекор за продлабочување на меѓуинституционалната соработка и зајакнување на пријателските односи меѓу двете земји.

Општина Гостивар

Прелистајте ги најновите вести и останете информирани за настаните, соопштенијата и важните информации.