Инспекторатот на Општина Гостивар овие денови презеде акција за отстранување на неформалните улични продавачи кои работат незаконски и го попречуваат слободното движење на граѓаните, со цел ослободување на тротоарите и јавните површини.

Оваа акција има за цел подобрување на урбаниот ред, безбедноста и непречениот пристап за сите граѓани, особено за пешаците и лицата со посебни потреби.

Акцијата ќе продолжи и во наредните денови, а општина Гостивар апелира до сите стопанственици да покажат одговорност, да ја чуваат својата стока внатре во деловните простории и да не го попречуваат слободното движење на јавните простори.

Општината останува посветена на спроведувањето на законот и зачувувањето на јавниот ред во интерес на граѓаните.

Прелистајте ги најновите вести и останете информирани за настаните, соопштенијата и важните информации.