Инспекторатот на Општина Гостивар започна со спроведување на казнени мерки, во согласност со Законот за јавна чистота, против сите физички и правни лица кои фрлаат отпад на неодредени места и ги загадуваат јавните површини.

Овие мерки имаат за цел зачувување на редот и чистотата во градот, како и спречување на загадувањето на животната средина, што директно влијае врз здравјето и благосостојбата на граѓаните.

Општина Гостивар ги повикува сите граѓани да покажат зголемена грижа, да ги почитуваат правилата за чистота и активно да придонесуваат во одржувањето на градот чист. Исто така, граѓаните се охрабруваат да го пријават секој случај на фрлање отпад или загадување на јавните површини.

Гостивар е нашиот заеднички дом, затоа зачувувањето на чиста, здрава и безбедна средина е заедничка одговорност на секој од нас.

Општината останува посветена на спроведувањето на законот и преземањето конкретни акции за по чист и по уреден град.

Прелистајте ги најновите вести и останете информирани за настаните, соопштенијата и важните информации.