Општина Гостивар, под водство на градоначалникот Валбон Лимани, постигна договор со Независниот синдикат за образование, наука и култура - Гостивар за исплата на К-15 за сите наставници на територијата на општината.

Иако исплатата на К-15 не била директна законска обврска на општината во оваа фаза, општинското раководство покажа волја и институционална одговорност да најде решение во интерес на просветните работници и редовното функционирање на образовните институции.

Во периодот кога Владата пушти дотации за оваа цел, според законскиот рок исплатата требало да се реализира до 31.12.2025 година. Сепак, во тоа време Општина Гостивар била под раководство на довереник на Владата, додека пуштените дотации биле наменети само за основните училишта, не вклучувајќи ги другите образовни институции. Оваа ситуација влијаеше врз нереализирањето на исплатата во предвидениот рок.

По преземањето на одговорноста од страна на актуелното раководство, остварен е конструктивен дијалог со Независниот синдикат за образование, наука и култура - Гостивар, што резултираше со догорен договор, според кој исплатата на К-15 за сите наставници, вклучително и оние од институциите кои не биле опфатени со дотации, ќе се реализира според утврдена динамика до крајот на месец април оваа година.

Градоначалникот Валбон Лимани истакна дека Општина Гостивар останува посветена на почитувањето на социјалниот дијалог, заштитата на правата на просветните работници и одговорното и транспарентно управување со јавните финансии, секогаш во служба на граѓаните.

Прелистајте ги најновите вести и останете информирани за настаните, соопштенијата и важните информации.