Inspektorati i Komunës së Gostivarit gjatë këtyre ditëve ka ndërmarrë aksion për largimin e shitësve informal që veprojnë në mënyrë të jashtëligjshme dhe që pengojnë lëvizjen e lirë të qytetarëve, me qëllim lirimin e trotuareve dhe hapësirave publike.

Ky aksion ka për synim përmirësimin e rendit urban, sigurinë dhe qasjen e papenguar për të gjithë qytetarët, veçanërisht për këmbësorët dhe personat me nevoja të veçanta.

Aksioni do të vazhdojë edhe në ditët në vijim, ndërsa Komuna e Gostivarit u bën apel të gjitha bizneseve që të tregojnë përgjegjësi, t’i mbajnë mallrat e tyre brenda objekteve afariste dhe të mos pengojnë lëvizjen e lirë në hapësirat publike.

Komuna mbetet e përkushtuar në zbatimin e ligjit dhe ruajtjen e rendit publik në interes të qytetarëve.

Shfletoni lajmet më të fundit dhe qëndroni të informuar me ngjarjet, njoftimet dhe informacionet e rëndësishme.