Се формира Локален совет за превенција

25.06.2018

Во Општина Гостивар, дене одржаа заеднички состанок градоначалникот, претседателот на Основниот суд, еден претставник од Основното обвинителство и командирот на Полициската станица – Гостивар.

Целта на состанокот беше формирање на Локален совет за превенција според препораките на ОБСЕ и Министерството за внатрешни работи.

Градоначалникот на Гостивар, Арбен Таравари, изјави за медиумите дека оваа средба повеќе имаше информативна и консултативна цел, а во иднина ќе се остваруваат редовни состаноци со дефиниран дневен ред, кои ќе се одржат во понеделниците, на секои две недели.

“Одлучивме да формираме Локален совет за превенција со цел да соработуваме и да функционираме во интерес на граѓаните и кон проблемите да имаме превентивен пристап. Како што ме информираше командантот на полициската станица, ние сме прв град што има формирано ваков совет и се надевам дека ќе бидеме позитивен пример и за другите општини. Ќе држиме редовни состаноци на секои две недели во понеделник, со одредени точки на дневен ред и ќе ја информираме јавноста за проблемите со кои се соочуваме, како и за одлуките и активностите кои ќе се преземаат”, изјави Таравари по состанокот.

Општина Гостивар изразува подготвеност за секаков вид меѓусекторска и меѓуинституционална соработка, со цел процесите да одат напред и од нив корист да имаат сите граѓани, особено во однос на безбедноста, без оглед на нивната етничка, верска припадност или политичко убедување.

Служба за инфопрмирање

Се поставува декоративно осветлување на зелените површини во Гостивар, градот добива атрактивен изглед во вечерните часови

25.06.2018

Општина Гостивар продолжува со реализација на проекти за подобрување на инфраструктурата, подобрување на квалитетот на животот на граѓаните и разубавување на јавните површини на нејзина територија.

Последниот од низата проекти кој започнал со реализација е поставување на декоративно осветлување на зелените површини во најфреквентните делови на градот. Првично декоративно осветлување е поставено на декоративните кругови во градскиот парк, поточно спроти Судот.

“Декоративно осветлување ќе се поставува на сите зелени површини во главните делови од градот, односно на местата кои најмногу се фреквентирани од страна на граѓаните, како што се малиот парк на градскиот плоштад, дворот на седиштето на Општината, кружните текови, зелениот појас на булеварите и слични површини. Со овој проект, Гостивар ќе добие убав изглед и ќе стане многу атрактивно место за прошетка во вечерните часови “, изјави портпаролот на Општина Гостивар, Јасин Демири.

ЈП “Јавни паркинзи и зеленило”, значително ја подобрило состојбата со зеленило во градот и околината, а ваквиот тренд во иднина ќе продолжи со зголемен интензитет.

Служба за информирање

Поддршка од АДРР “Сонце“ – Тетово за градоначалникот Таравари

22.06.2018

Ромска асоцијација за развој на демократијата АДДР “Сонце“ Тетово, реагира во однос на изземањето од дневен ред на точката за усвојување на локалните акциони планови во Советот на Општина Гостивар. Во реакцијата се наведува дека оваа Асоцијација ги поддржува процесите кои водат кон унапредување на положбата на Ромите на локално ниво согласно РОМАКТЕД програмата “Промовирање на добро управување и зајакнување на Ромите на локално ниво“ и потпишаниот Меморандум за Разбирање со општините, Советот на Европа и Министерството за труд и социјална работа.

Писмото ви го пренесуваме интегрално:

Reakcija ADDR SONCE – Tetovo

Одлуката на мнозинството во Советот, ја остави во мрак спортската сала “Риниа” – Гостивар

21.06.2018

Одлуката на мнозинството членови на Советот на Општина Гостивар, на петтата седница гласаше против доделување на субвенции на ЈПССО “Риниа“ од страна на Општина Гостивар.

Во ова претпријатие во шии што рамки функционира спортската сала каде што спортските активности ги вршат спортските клубови од Гостивар и околината, претходното општинско раководство создаде огромни неподмирени обврски кон ЕВН, за потрошена електрична енергија.

И покрај тоа што самите се одговорни за создадената ситуација во ЈП “Риниа”, советниците на ДУИ и нивните партнери СДСМ, НДП и ДСР гласаа против предлог-одлуката за доделување на субвенции во висина од 500.000 денари на ова претпријатие, наменети за плаќање на електрична енергија, како последица од тоа ЕВН им ја исклучи струјата и салата остана во мрак.

Се поставува прашање, каде советниците на ДУИ и и нивните партнери, во случајов го гледаат интересот на граѓаните на кој постојано се повикуваат.

Служба за информирање

ИЗВЕСТУВАЊЕ

20.06.2018

Се известуваат граѓаните дека утре (четврток) од 23:00 до петок во 07:00 часот, вода за пиење од градскиот водовод ќе биде во прекин.

Водата ќе биде прекината поради полнење на новиот базен во село Вторток, како и поради испитување на втората алтернативна главна линија кон главниот извор. Сето ова, како подготовка за започнување на работите во рамките на проектот СЕЦО 2.

Општина Гостивар и ЈП “Комуналец” бараат разбирање од граѓаните.

Информативна служба

Хрватски и турски бизнисмени заинтересирани да инвестираат во Гостивар

19.06.2018

Хрватски и турски бизнисмени, ja посетија на Општина Гостивар, каде беа пречекани од градоначалникот на Гостивар, Арбен Таравари и неговите соработници.

Бизнисмените го запознаа градоначалникот Таравари за нивната заинтересираност за конкретни инвестиции во областа на сточарството во подрачјето на општина Гостивар.

Градоначалникот Таравари ги информираше бизнисмените дека тој и општинската администрација се подготвени да понудат целосна асистенција и се што е во надлежност на Општината, кога станува збор за сериозни инвестиции кои влијаат на локалниот економски развој и намалување на невработеноста.

Хрватските и турски бизнисмени за време на престојот во Гостивар, го истражуваат теренот при што ги придружуваат вработени во општинската администрација кои се занимаваат со прашања од областа на странски инвестиции.

Служба за информирање

ИЗВЕСТУВАЊЕ

Се известуваат граѓаните кои го користат регионалниот пат Гостивар – Србиново дека од четврток наутро ќе започнат градежните работи за целосна реконструкција на делницата Лакавица – Србиновo.

Додека ќе траат градежните работи сообраќајот во оваа патна делница , во одредени делови и временски периоди, ќе се одвива отежнато, затоа се молат сите учесници во сообраќајот да бидат внимателни и да го прилагодат движењето со условите на патот.

Инаку, патот што што ќе се реконструира е долг 2,3 километри, а делот што треба да се асфалтира ќе биде широк од 4,2 метри.

Од Општина Гостивар им се заблагодаруваат на граѓаните за разбирањето.

Служба за информирање

Градоначалникот Таравари се сретна со минситерот без ресор Аксел Ахемдоски

13.06.2018

Градоначалникот на Гостивар Арбен Таравари, оствари средба со министерсот без ресор задолжен за имплементација на Стратегијата за Ромите, Аксел Ахмедоски.

На средбата присуствуваше и советникот на градоначалникот Таравари за ромски прашања, Бари Абдули како и претстaвници на Ромскиот Информативен Центар – Гостивар.

Целта на посeтaта беше имплемнтацјата на Стратегијата за Ромите и подобрување на квалитетот на живот на ромската заедница во Гостивар. Се разглeдаа и е дискутираше за идни проекти од облста на домувањето, односно одредување локација за изградба на жиевелаишта за лицaта без сопствен дом, како и решавање на проблемите со инфраструктура и канализациона мрежа во населбите во кои живее претежно ромско население.

Градоначалниот Таравари потенцираше дека усвојувањето на Акцискиот план претставува голем чекор на општинската админитрација кон целосна интергација на Ромите.

Градоначaлникот Таравари и министерот Ахмедоски придружени од нивните соработници, ги посетија ромските населби во Гостивар при што беше изразена подготвеност од страна на градоачланикот за реализациjа на идни проекти за подобрување а на состојбата на Ромите во Гостивар.

Служба за информирање

Продолжува поставувањето на јавно осветлување во детските игротеки во Гостивар

13.06.2018

По отворањето на новата детска игротека на големиот градски парк, спроти Судот во Гостивар, поставено е и осветлување.

Општина Гостивар виде за сходно да се постави осветлување, бидејќи игротеката на другата страна од паркот, во близина на Катастарот, по поставувањето на осветлување, се користи и во вечерните часови и не се оштетува од страна на несовесни  лица во текот на ноќта .

Служба за информирање

Градоначалникот на Гостивар, Арбен Таравари ги поддржува младите шахисти

12.06.2018

Стремежите на градоначалникот на Гостивар, Арбен Таравари за подобрување на квалитетот на културно- уметничкиот и  спортско-рекреативниот живот, особено на помладите генерации, од ден на ден сé повеќе се конкретизираат.

Едно од последните  случаи е финансиската поддршка од Општина Гостивар за Детската шаховска академија во Гостивар.

“Со развојот на овој интелигентен и исклучително убав спорт ние стануваме промотори на здрав начин на одгој на децата држејќи ги што подалеку од  валканите понуди на улицата”, вели градоначлникот Таравари.

Додека раководителот на на Детската шаховска академија во Гостивар, Ахмет Салмани му се заблагодари на градоначланикот Арбен Таравари за поддршката на шаховската школа.

“Вака можеме да чекориме напред кон нови победи за Гостивар и за идните генерации”, вели Салмани.

Служба за информирање